Heziketa- zikloetarako Sarbide Probetarako izena emateko epea zabaldu da. DBH edo Batxiler titulurik ez baduzu Lanbide Heziketara sartzeko bide hau duzu: Sarbide proba.
Erdi-Mailako Heziketa-Zikloetako sarrera-proben helburua da egiaztatzea ikasketa horiek probetxuz egin ahal izateko beharrezko ezagutza eta gaitasunak badituztela.
Goi-Mailako Heziketa-Zikloetako sarrera-proben helburua da egiaztatzea izangaiak baduela Batxilergoko helburuek eskatzen duten behar beste heldutasun eta egin nahi duen ziklorako beharko dituen berariazko ezagutzak ere badituela.
Hezkuntza Administrazioak Heziketa-Ziklo eta ikasturte bakoitzean guztira eskaintzen diren plazen ehuneko jakin bat gorde dezake, sarrera-probak gainditu dituzten ikasleentzat.
Probak euskaraz nahiz gaztelaniaz egin daitezke, eta ikasleek hautatuko dute zer hizkuntzatan egin nahi duten.
Heziketa-Zikloetara sartzeko sarrera-proba gainditzen bada, Estatuaren lurralde osoan izango du balioa.
IZENA EMATEA: 2025eko urtarrilaren 20tik otsailaren 7ra arte, biak barne.
ESKABIDEAK AURKEZTEKO:
-Izena emateko ikastetxeetan (I. eranskinean zehazten dira). Debagoienean, Bergarako Miguel Altuna Lanbide Heziketan egin daiteke.
– Online, Ikasgunea atariaren bitartez (https://ikasgunea.euskadi.eus).
Probak euskaraz edo gaztelaniaz egin ahal izango dira, eta nahitaezkoa izango da bietako bat aukeratzea, izena emateko unean.
PROBEN EGUTEGIA:
(Pertsona bakoitzak esleitutako Azterketa Ikastetxean, 2025ko martxoaren 15ean argitaratua)
- Maiatzak 6, 16:00ak
* Erdi-mailako H.Z: Hizkuntzalaritza
* Goi-mailako H.Z: Zati Komuna - Maiatzak 7, 16:00ak
* Erdi-mailako H.Z: Zientifiko Teknologiko eta Soziala
* Goi-mailako H.Z: Zati Espezifikoa
Informazio gehiago:
* Eusko Jaurlaritza >> deialdia
* Ikaslan Gipuzkoa>> informazio erabilgarria (egutegia, azterketa ereduak,…)
